在中国,有这样一群“神奇动物”,他们生活在我们身边,象征着人们对平安、富足的渴望,承担着繁重的“工作”,它们穿越历史,充满神秘色彩。
တရုတ်ပြည်တွင် ထိုသို့သော ထူးဆန်းသည့် ဒဏ္ဍာရီလာ သတ္တဝါတစ်စု ရှိလေ၏။ ၎င်းတို့သည် ကျွန်ုပ်တို့၏ အနီးအနားတွင်ပင် ရှိကြ၍ လူသားတို့၏ ဘေးကင်းလုံခြုံခြင်း၊ ချမ်းသာကြွယ်ဝခြင်းတို့အပေါ် တောင့်တမှုဟူသော သင်္ကေတအနက်သဘောကို ဆောင်ကာ ကြီးလေးသော အလုပ်တာဝန်ကို ထမ်းဆောင်လျက် ရှိကြလေ၏။ ၎င်းတို့သည် သမိုင်းတစ်လျှောက် ထိုးဖောက်သွားလာနိုင်သကဲ့သို့လျှို့ဝှက်နက်နဲမှုတို့နှင့်လည်း ပြည့်နှက်လျက်ရှိလေသည်။ 本期,我们一起去探索中国法制文化中执法者的化身——獬豸(xiè zhì)。 ယခုလတွင် တရုတ်ပြည်၏ ဥပဒေယဉ်ကျေးမှုထဲက ဥပဒေကျင့်သုံးဖော်ဆောင်သူ သင်္ကေတ ဖြစ်သော ဒဏ္ဍာရီလာ သတ္တဝါတစ်မျိုးဖြစ်သည့် ရှဲ့ကျိ သတ္တဝါအကြောင်းကို စူးစမ်းလေ့လာကြည့်ကြပါမည်။ 传说,它体形大者如牛,小者如羊,类似麒麟,全身长着浓密黝黑的毛,双目明亮有神,额上通常长一角。最关键的一点就是:它拥有很高的智慧,懂得人言知人性,天性急公好义,且能明辨是非。 ဒဏ္ဍာရီလာ ဆိုထားချက်အရ ၎င်းသည် အကောင်ကြီးသော် နွားအရွယ်၊ အကောင်သေးသော် ဆိတ်အရွယ်ရှိ၍ ချီလင်း(တိုးနရားနှင့်အလားသဏ္ဌာန်တူ သားကောင်တစ်မျိုး) နှင့်ခပ်ဆင်ဆင်ဖြစ်သည်။ တစ်ကိုယ်လုံး အနက်ရောင် အမွေးအမှင်များ ထူထဲစွာ ပေါက်၍ မျက်လုံးအစုံမှာ တောက်ပစူးရှ၏။ နဖူးထက်တွင် များသောအားဖြင့် ဦးချိုတစ်ချောင်း ပါရှိ၏။ အဓိကအကျဆုံး အချက်တစ်ချက်မှာ ၎င်းသည် ဉာဏ်ရည် အလွန်မြင့်မား၍ လူ့စကားကို နားလည်ကာ လူ့စိတ်ကို သဘောပေါက် လေသည်။ အမှားအမှန်ကို ခွဲခြားသိမြင်နိုင်၍ အမှန်တရားကို မြတ်နိုးသူလည်း ဖြစ်ပေသည်။
早期的獬豸多为“独角羊”的形象,比如山西浑源李峪村出土的战国铜器残片上的獬豸。羊,在古人眼中是祥瑞之兽。羊与善、善与法两条逻辑线搭建,也让羊与法产生了对应关系。 အစောပိုင်းကာလက ရှဲ့ကျိတို့မှာ များသောအားဖြင့် “ဦးချိုတစ်ချောင်းပါ ဆိတ်သတ္တဝါ” အနေဖြင့် ရှိခဲ့ကြသည်။ ဥပမာအနေဖြင့် ပြရသော် ဆန်းရှီးပြည်နယ်၊ ဟွန်ယွမ်ခရိုင်၊ လီယွိကျေးရွာမှ တူးဖော်ရရှိသည့် စစ်မက်ပြည်ထောင်များခေတ် ကြေးထည်ပစ္စည်းအပိုင်းအစများတွင် တွေ့ရှိရသော ရှဲ့ကျိ ရုပ်ပုံများ ဖြစ်ပေသည်။ ရှေးလူတို့၏ အမြင်တွင် ဆိတ်သည် ကောင်းခြင်းမင်္ဂလာနှင့် ပြည့်စုံသော သတ္တဝါ ဖြစ်၏။ ဆိတ်နှင့်ကောင်းခြင်း၊ ကောင်းခြင်းနှင့်ဥပဒေ၊ ထိုဆက်စပ်မှုနှစ်ခုကို အကြောင်းပြု၍ ဆိတ်သည်လည်း ဥပဒေနှင့် တူညီသည့်ဆက်စပ်မှုသဘော ရှိလာခဲ့လေသည်။
皇权的集中与法律的强化,让身为法律象征的獬豸也产生了相应的变化,温顺的羊也变成了凶猛的牛。如嘉峪关新城东汉墓出土的獬豸形象,背部弓起、尾巴上翘,全身的劲儿似乎都集中在了前面的独角之上,而独角也锋利如同长剑。
ဘုရင့်အာဏာစက်နှင့် ဥပဒေစနစ်အားကောင်းလာမှုတို့ကြောင့် ဥပဒေ၏ သင်္ကေတ ဖြစ်သော ရှဲ့ကျိသတ္တဝါသည်လည်း အလိုက်သင့် ပြောင်းလဲမှု ဖြစ်လာခဲ့သည်။ ပြုသမျှ နုရသော ဆိတ်အဖြစ်မှ မာန်ပါသော နွားအဖြစ်သို့ ပြောင်းလဲလာခဲ့၏။ ဥပမာ ကျားယွိကွမ်းမြို့၊ ရှင်းချိန်မြို့နယ်ရှိ အရှေ့ဟန့်မင်းဆက်ခေတ် ဂူသင်္ချိုင်းမှ တူးဖော်ရရှိသည့် ရှဲ့ကျိသတ္တဝါဆိုလျှင် ခါးကော့ကာ အမြီးထောင်လျက် တစ်ကိုယ်လုံး ရှိရှိသမျှ ခွန်အားများကို ရှေ့ကတစ်ချောင်းတည်းသော ဦးချိုထံ၌ စုစည်းထားသည့် အသွင်သဏ္ဌာန် ဖြစ်၍ ထိုတစ်ချောင်းတည်းသော ဦးချိုမှာလည်း ဓားရှည်တမျှ ချွန်မြလေသည်။
在清代,它的身影出现在故宫御花园门口,在都御史的补服(官服的一种)上,都御史的职责为监察朝廷官吏。在现代,它在新中国的第一柄法槌上,坐在法院的门口,还被做为北京的法律出版社的标志。
မန်ချူးမင်းဆက်ခေတ်တွင် ၎င်းကို နန်းတော်ဥယျာဉ်အပေါက်ဝ၌လည်းကောင်း၊ နန်းတော်အရာရှိများကို စောင့်ကြည့်စစ်ဆေးရသည့် တူးယွိရှီ ခေါ် အရာရှိ၏ အရာရှိဝတ်စုံပေါ်၌လည်းကောင်း တွေ့ရနိုင်သည်။ ယနေ့ခေတ်တွင်မူ ၎င်းသည် တရုတ်ပြည်သူ့သမ္မတနိုင်ငံ၏ ပထမဆုံး တရားသူကြီးသုံး တူငယ်တွင် တွေ့ရနိုင်သကဲ့သို့၊ တရားရုံး၏အပေါက်ဝ၌ ထိုင်လျက်အနေအထားဖြင့်လည်း တွေ့ရနိုင်သည်။ ထို့ပြင် ၎င်းကို ပေကျင်းရှိ ဥပဒေပုံနှိပ်တိုက် (Law Press China) ၏ လိုဂိုအနေဖြင့်လည်း အသုံးပြုထားသေးသည်။
|